كيف اعرف نفسي ؟
كيف اعرف نفسي ؟ سؤال دايما يتردد و البعض يعتقد ان الاجابة في كتب تنمية بشرية ، بينما هي من خلالك ، من جواتك ، من الساعات اللي تقضيها بشكل واعي عن نفسك و مشاعرك و افكارك
فيه طرق كثير نتعرف فيها على تفاصيلنا و منها :
التجارب
جربوا نفسكم في اشياء جديدة و بسيطة ، اكتشفوا قدراتكم فيها ، مو لازم تنطون من طيارة عشان تكتشفون انكم مغامرين
بعطيكم امثلة :
التجارب الاجتماعية / كثير يحسبون انهم بيتوتيين و مو اجتماعيين و ما يحبون الناس ، لكن الحقيقة ان انهم ما اعطوا نفسهم الفرسة يطلعون من دائرتهم و حدود علاقاتهم ، و دايما يختارون ناس يشبونهم او اشخاص سلبيين ما يضيفون لهم شي .. تعرفوا على الغرباء ، جربوا تكتشفون مهارات اول لقاء ، اكتشفوا انتوا منصتين و لا متحدثين ، اسألوا اهلكم و اصحابكم ايش الاشياء الحلوه فيكم ، لاحظوا كيف تتقبلون الاختلاف و كيف تتعاملون مع اي شي جديد و ايش الشي اللي تقدرون تشاركونه الناس
التجارب اليدوية /
اكتبوا 10 اشياء مهتمين فيها و جربوها ، مثلا ( زراعة ، نحت ، رسم ، تصميم ، ديكور ، طبخ ، العاب ذهنية ، تصوير ، خطابة ..الخ ) جربوا نفسكم في كل شي و حاولوا اكثر من مره ، و اكثر شي تميلون له تعلموا عنه اكثر و خلوه هواية ، الهوايات جزء من تحقيق ذاتنا
اجعلوا لوقت الفراغ قيمة ، الترفيه مهم و التطوير ايضا مهم
تابعوا نفس عندهم نفس الميول و الهوايات ، كونوا مجتمع حولكم عن الشي اللي تحبونه
--------------------------
فيه نقطة مهمه تخلي الشخص يقلل من نفسه ويتجاهل قدراته و يحس انه تايه و هي طريقة حديثه مع نفسه و مشاعره تجاه افكاره و مهاراته ... في البداية بيكون صعب تلاحظونها في اول اسبوع بعدين بتقدرون تميزونها و هي 1- افكار غير صحيحه عن نفسكم و انزعت فيكم من محيطك و تجاربكم السابقة
مثلا : سمعتوا من اهلكم انكم انانيين و اقتنعتوا بالفكرة بينما هي فكرة لتأنيب ضميركم و مهي شي صحيح عنكم ، او انكم مو محبوبين عشان صداقاتكم السابقة ما استمرت و اشياء كثير ممكن تكونون حكمتوا فيها على نفسكم لكنها مو صحيحه نهائيًا
لاحظوا الحوار الداخلي ، هل هو نقد و لوم و عتاب ؟ هونوا على نفسكم و اسمحوا لها تغلط و تتعلم . الحياة بالتعلم مو بزاوية الامان ، التعلم مو بورقة و قلم انما تركيز على الافكار اللي تتسلل لكم
حاولوا ما تحكمون على نفسكم حتى لو تغيرتوا للأفضل ، اعتبروا نكم في رحلة لا نهائية ، و كل مره بتكتشفون شي جديد و تنبهرون بقدراتكم
2- مشاعركم مهمة ، ايش الشعور اللي تحسونه تجاه نفسكم لما تسوون شي صح او شي غلط ؟ هل تحبون نفسكم بس وقت التصرفات الصح و تجلدونها لو ما عجبتكم و اخطأت ؟ ، نفس الام لما تحب ولدها فقط اذا عمل شي مثالي و اذا غلط تذمه و تزعل منه ، اقبلوا نفسكم وقت الصح و وقت الغلط ... و اذا راح تبقون تدورون الكمال و الايجابيات فقط ما راح تقدرون تحبون نفسكم ، الحب المشروط مزعج
و جزء مهم من اننا نعرف نفسنا هي طريقة حديثنا و تعبيرنا ، لا تخجلوا تشاركوا اراءكم و تتحاورون بثقة عن الشي اللي تؤمنون فيه ، كل ما عبرنا
عن نفسنا بشكل واضح فهمنا نفسنا و افكارنا و مشاعر الاخرين و افكارهم
نعرف نفسنا :
لما نقدر النعلم اللي نمتكلها فينا
لما نلاحظ مميزاتنا الشخصية
لما نقدر نسامح انفسنا و نتعلم نفسها بدال ما نلومها و نعاقبها
لما تصير نظرتنا للأمور على انها تجارب و مافيها فشل و فوز و خسارة انما قصة من ذكرياتنا و خبراتنا
لما نفهم سبب المشاعر الغير ساره من حزن و غضب و حسد و الم ، لما نسأل ليش ؟ و نعرف الجواب
لما نكتشف قدرة تحملنا و تكيفنا و مبادئنا و قيمنا
اسئلة ممكن نراجعها كل فترة و تساعدنا : ( ملاحظة مو مهم تلاقون اجابة الان )
مين انا ؟ تعريف بسيط بعيد عن العائلة و المنصب و المادة و الجنسية
ايش ابغى اسوي في ال5 شهور القادمة ؟
10 صفات كويسه فيني ؟ و ليش ؟
ايش المهارات اللي عندي ؟