الثقة بالنفس ، قبول الذات
بالنسبة لي فكرة الثقة بالنفس ذات معنى ركيك جدا عن مدى عمق علاقتنا بذواتنا و دايما يجي معاها بكج من حب الحياة و مواجهة الصعاب ... و لطالما كنت ساخره على الايجابية اللماعه ( حب نفسك ، طالع في المراية و قول انك حلو و قوي ، لا شيء يسطيع كسرك ، اظهر للعالم ، كن ايجابيا ، ابتسم للحياة ) خلونا نفكر قليلا ... ما المغزى من اني احب نفسي و اثق فيها ؟
الحقيقة ان مو لازم تثق بنفسك بالمعنى الرنان و لا مهم تكون فيه مشاعر محدده تجاه انفسنا من نوع الحب و الكره ، لكن لابد نحترمها و نتقبلها على حقيقتها .. لذلك راح اركز على جانب واحد مهم جدا عشان نوصل لمرحلة قبول الذات ، و هي مرحلة ننسجم فيها مع داخلنا و نتقبل افكارنا و مشاعرنا و ندرك مشاكلنا و نحترم تصرفاتنا و اخطاءنا و نشعر بالاتزان .. و هو جانب تواصلنا بذاتنا
طيب ايش صفات الشخص اللي ما يقبل نفسه ؟
يستحي من افكاره او يخاف منها ، قاسي على نفسه ، ما يسامحها
يخاف من الخطأ ، ينتقد نفسه بإستمرار ، يقارن نفسه بالاخرين ، فيه صفات سلبيه يرددها على نفسه ( فاشل ، غبي ، مكروه ..الخ ) ما يعرف قدراته و يقبل بعلاقات مؤذية ، يحكم على نفسه و ما يتقبل التغيير ، يكابر عن الشعور بالالم ... هذه الاشياء تصير لما ما نكون متوافقين مع نفسنا ، لما نحس بالضياع و ان مافي شي راضي يزبط معانا و ان احنا مو كفاية وان علاقاتنا مو ناجحه ، ان المشاعر احساسها قاسي و لازم ما نحسه و ان الافكار حقائق بتصير 100% و اننا نستحق العقاب و اللوم
لذلك نحتاج نتعلم | التعاطف الذاتي
ـــــــــــــــــــــــــــــــــــــــــــــــــــــــــــــــــــــــــــــــــــــــ
ايش هو التعاطف الذاتي ؟
هو نفس الشعور اللي يجيك لما تشوف طفل مريض او حيوان ضعيف ، نحتاج هذا الشعور لأنفسنا
، نحتاج نتفهم ألمنا و معاناتنا ، نحتاج نسامح و نخفف على نفسنا و نتواصل بدل ما نؤذينا ...
كثير للأسف يعتقدون انهم لو ما عاقبوا نفسهم بيصيرون كسولين او بتنفك الامور عليهم و يتمردون على الخطأ
لكن السؤال : ايش تأثير هذه الطريقة المرهقة على نفسيتنا ؟
و كأننا نتعامل مع طفل نعاقبه بإستمرار و نعاتبه على تقصيره و مستعدين نتصيد اخطاءه و نحسسه بالنبذ و التأنيب ، و من حرصنا عليه نمنعه يجرب و يغلط و كأن الخطأ جريمة .. هل نبغى نعيش مع شخص زي كذا ؟ طيب لو كان هذا الشخص هو انا ؟
- ليه صعب في البداية نغير طريقة تواصلنا مع انفسنا ؟
تخيل معايا .. ساره لما دخلت المدرسة اهلها علموها ان الاصحاب مافيهم خير و بالنهاية بيتركونها و يأذونها و محد بيحبها زي اهلها فالافضل ما تصاحب احد ، في كل مره تتعرف على صديقه امها تعاقبها و تذكرها ان الاصدقاء مو كويسين ، فصارت تخاف من الناس و ما تؤمن بالصداقة و العلاقات و لو قعدت بين الناس تتوتر و تخاف ... هذا اللي يصير لان الدماغ تعود يستخدم طريقة جلد الذات كوسيلة دفاعية لمواجهة الاخطاء و المشكلات ، فجسمنا تعود على استجابة القلق و اللوم و العقاب
ليش مهم نرحم نفسنا و تتعاطف معاها ؟ ليش غير صحي اننا نعاتب ن
ليش مهم نحسن علاقتنا مع انفسنا ؟أظهرت الأبحاث أن التعاطف الذاتي مرتبط بشدة بصحتنا العقلية ورفاهية وقد وجدت الدراسات أن أولئك الاكثر العاطفًا تجاه أنفسهم
و اكتشفوا العلماء أن الشعور با
هرمون الأوكسيتوسين يعزز الترابط و التقارب و يفرز وقت ما تحضن
ـــــــــــــــــــــــــــــــــــــــــــ
خلونا نبدأ بالتمرين 1 :
جيبوا ورقة و قلم و جاوبوا على هذه الاسئلة بصدق ، خذوا وقتكم في الاجابة
- في ايش تنتقد نفسك بالعادة ؟
- ايش الاشياء اللي تقولها عن نفسك و لنفسك ؟
- كيف الصوت اللي يقولك هذه الاشياء ؟
كيف نبرته ؟
و هل يذكرك بشخص ؟
- لما تنتقد نفسك بأيش تحس ؟
- ايش الاشياء السلبية اللي تصير لك من الانتقاد ؟
انتقادك لنفسك ما راح يخليك تنسجم مع ذاتك ، تخيل جلاد و ضحية قاعدين مع بعض ، هل الضحية بتقول للجلاد انجازاتها و احلامها ؟ هل الضحية بتؤمن بأفكارها ؟ هل راح تحب انها تقعد مع هذا الصوت لوقت طويل ؟خلونا نبدأ بالتمرين 1 :
جيبوا ورقة و قلم و جاوبوا على هذه الاسئلة بصدق ، خذوا وقتكم في الاجابة
- في ايش تنتقد نفسك بالعادة ؟
- ايش الاشياء اللي تقولها عن نفسك و لنفسك ؟
- كيف الصوت اللي يقولك هذه الاشياء ؟
كيف نبرته ؟
و هل يذكرك بشخص ؟
- لما تنتقد نفسك بأيش تحس ؟
- ايش الاشياء السلبية اللي تصير لك من الانتقاد ؟
___________________________________
ولان فيه ناس يؤمنون ان النقد الذاتي مفيد و يخليهم يجتهدون وينجزون
+ في ايش فادك الانتقاد ؟ اكتب مو
+ ايش يخليك تعتقد ان النقد كويس
+هل تقدر تحقق اهدافك بدون النقد
+ اذا كان هالاسلوب مفيد جدا راح
+ ايش العواقب السلبية اللي صارت
ــــــــــــــــــــــــــــــــــــــــــــــــــــــــــ
مو شي صحي اننا نعامل نفسنا كوحش متمرد لازم نقيده و نكسره و نقتل الروح اللي جواه
النقد اسلوب تفكير سام ، تخيل كل شي تسويه في احد وراك يذمه و ينقد شكلك و حركتك و صوتك و افكارك و معتقادتك ، هل هذا شخص راح تحب رفقته ؟شعور الامان مهم ، لذلك نحتاج نعطف على نفسنا لما نخطئ ، و احنا كبشر جزء مهم من قصتنا و انسانيتنا اننا نعاني و نشعر بالالم و انا افهم جدا مشاعر مقاومة الالم لاني كنت ارفضه ايضا ، كنت انشغل بالمشكلة اكثر من مشاعري و احساسي ... لكن مشاعرنا هي انسانيتا ، اذا ما كنا نشعر ما صنعنا شي لهذا العالم
شعورك بألمك و حزنك مهم ، تحلى بإنسانية تجاه نفسك
نرجع لموضوع هل مهم نحب نفسنا ؟
مو مهم بقدر اهمية شعورنا بإنسانيتنا و تقبل اخطاءنا و العطف على انفسنا
و نحترم كوننا انسان انخلق على هذه الارض و قصته مليانه تفاصيل سعيدة و حزينة ، مو مهم شعوري تجاه نفسي المهم احترامي و عطفي و تفهمي لها
-
اما التمرين الاول ، بعد ما صرت تعرف الاسلوب اللي تنتقد نفسك بيه و الكلمات اللي تستعملها صرت مدرك للتفكير السلبي فحاول الان انك تصيده زي ما يقولون ، لما يتبادر لذهنك اعكس الكلمات اللي تسمعها
مثلا: انا فاشله و عمري ما راح انجح في شي < بس انا نجحت في علاقاتي و دراستي ..الخ
الموضوع بيكون صعب في البداية لان مو سهل تغيير عادة سلبية بس مع الاستمرار بتصير تتحكم فيه اكثر
و هذي تمارين اُخرى بتفيدك عشان تعرف شعور التعاطف و تستخدمه تجاه نفسك :
-
الله تعالى يقول
{ وَرَحْمَتِي وَسِعَتْ كُلَّ شَيْءٍ }
نفس شعورك لما تغلط و تتذكر ان ربي رحيم و بيغفر لك و بيقبلك
تحتاج هذا الشعور تجاه نفسك لان الرحمة من اعظم المشاعر و اكثرها سموًا
ختامًا .. كل عادة تحتاج وقت لتغييرها ، لو التزم احد بهذه التمارين لمدة اسبوعين الى شهر بيوصل لمرحلة كويسه من التحكم في النقد الذاتي ، فيه تمارين ثانية لكنها غير فردية فلازم تكون بإشراف معالج نفسي
تذكر دائما ان اللي بداخلك يحتاجك و يحتاج مشاعرك و شعور الامان ليمحنك السكينة...
اتمنى لكم روح رحيمة على نفسها عطوفة على الاخرين .